بنات اليومين دول للشباب خلى بلكو من البنات

بسم الله الرحمن الرحيم

قبل اى ضرب ( انا مش بتكلم على كل البنات [/url]طبعا )..انا بعبر عن وجهة نظر الشباب الى صعبان عليا وهقول شوية صفات كده ع الماشى

نبتدى فى اول صفة


1- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)




2- الميول العدوانية

عمرك شفت بنت بتتفرج على مصرعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعاكس متقعش فى ايد وحدة منهم)


3- الاسراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جديدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول


4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها


كفايا كده عشان طولت اوى بس انا مش عايز دمى يروح هدر لو مجتش المنتدى لمدة يومين .انتو عارفين بقى الى حصلى

ههههههههههه
متخفشى
تسلم واحنا معاك

ههههههههههههههههههههههههههه
لا انت كدا حتغادر المنتدى ومش حترجع تاني
فينكم يا بنات احنا تبهدلنا
ههههههههههههههههههه
حتشوف يا عماد

هههههههههههههههههههههه
ايه كل ده
احنا شياطينن وانتو تااى ملايكه

ياعم اجري كده اخركم

المقشه البلح

وتخدو فوق دمغكم

علي راي النكته الي بتقول


كان فيه مره واحد ماشي مع واحد صاحبو فا التلفون رن لقاها مراتو


كلمها وزعقلها وكمان قلها

سخني الميا بسرعه ومتتلكعيش

لما خلص صاحبو بيقولو انت حمش

ام رد عليه وقالو علشان اغسل المواعين لما اروح ههههههههههههههههه


ده اخركم


تسلم عمده علي المجهود

هههههههههههه يا ده يااسمعلاوى ده البنات غلبنين اوى

تسلم ايدك ياعمدة