فاضل ايه تاني الدنيا هتاخدو مني؟؟
ومين كمان م اللي بحبهم هيروحو ويبعدو عني؟؟
كل حاجة حواليا مخلياني خايفة من بكرة
ومفيش شيء في الدنيا دي قادر يطمني
مبقاش فيه حاجة في حياتي ممكن افرح عشانها
ايامي مجرد ذكريات والفراق هو عنوانها
طريقي بيرسمو دموع عيني وقلبي الحزين
والفرحة انا يئست خلاص اني الاقي مكانها
مجروح قلبي وضايع ومش لاقي حد يداويه
وعشان عارفة انو مش موجود انا مش هدور عليه
تعبت من كتر منا حاسة اني عايشة في حزن مبينتهيش
وتعبت اكتر من كلام بكتبو محدش حاسس بيه
ومين هيحس بوحدة ملهاش في الدنيا اي لزوم
حياتها مليانة بس كآبة وحزن وهموم
كلامها ملوش اي لزمة مجرد حبر على ورق
وفي نظرها الدنيا هي الظالم وقلبها المظلوم