احساس يقتلني

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري في بعادك وغابت نشوة اللذات
وصار الهم عكازي اباكيـــــه ويباكينــــــــي

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني


يايمه ارجعي تكفين وطفي شمعة الآهات
ابيك انتي ولا غيرك على فرقاك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيكي اذا انتي تبكيني
وابقى اخدمك عمري ولا ابعد ولو خطوات

غاليتي هكذا هي الدنيا تفرض علينا بقسوتها ومجبرون ان نحتمل كل ما تطلب وتفرض
لكن ما يصبرنا وما يبرد على قلوبنا ان ثقتنا بالله ان يعيد لنا الامل ويرجع البعيد الى احضاننا لربما ياتي ذلك اليوم الذي ننتظره ونعيش السعادة الدائمه
امين يا رب

السلام عليكم
وقفت امامك واماماحساسك وعجزت عن الكتابة
حاولت ان اجمع بعض الكلمات لكن الحروف فاتتنى فتحلى بالصبر والايمان