دعوة نقاش (مصر)

بسم الله الرحمن الرحيم

والسلاموا عليكم ورحمة الله وبركاته

فى الفترة الاخيرة عشنا ايام لاول مرة تعشها مصر بتتغير والناس كمان بتتغير

لو كلنا اتجمعنا وكل واحد كتب ايه الحاجة اللى مكناش نتمنى اننا نشوفها فى مصر

انا هكتب مثلا مكنتش اتمنى اشوف فى مصر عدم الاستقرار والخوف واى حد بيغلط فى الريس

ماشى كلنا متفقين ان حاجات كتيرة كانت غلط اننا عشنا سنين فى الفقر ومازلنا بنعيش فى الفقر

يعنى اللى هيجى مش هيخلينا نعيش زى اخوانا العرب اللى عايشين فى الخليج ولا حتى الاجانب

دلوقتى لازم ندعو للاستقرار عشان كل واحد فينا يعيش حياة طبيعية ويشوف اكل عيشه ونكون

احسن من الاجانب اللى عايزين يدمرو الدول العربية

اخر كلامى انا حزينة جدا على اللى بيحصل فى ليبيا

يا جماعة العدوان اللى على اخوانا اللى فى ليبيا ممكن فى يوم من الايام يجي علينا ومصر دى

شبعت بصراحة من الاحتلال الاجنبى ياريت نكون ايد واحدة فى كل حاجة كفاية مظاهرات

.........................................................................................................

وانت / وانتى ....ايه رايك قول / ى وشاركوا ولو بكلمة

.........................................................................................................

(*********قبل ان اكون مصرية فانا عربية ومسلمة وافتخر***********)

طبعا عندك حق لازم نكون يد واحده
والحمد لله ثوره مصر حققت كل اهدافها المهم ربنا يرزقنا بريس شبعان
تسلمى

الثورة اثبتت اننا من اغنى دول العالم بس لاسف كانت سرقنها الحراميه الكبار
واتمنى انى الفوضى تخلص ومحدش يزايد على وطنيت حد
ان الشرطه ترجع تانى فى الشارع
واتمنى ايضا ان اللى غلط فى حق مصر يتحاسب بجد مهما كان اسمو

انا سعيدة اوى انك رجعت المنتدى يا محمد

ورايك اكيد يهمنى

تسلم ع الرد الممتاز

ماشى يا بوسى لو احنا بجد اغنيا زى ما كتبتى فين الثروة فين الفلوس فين فرص العمل

طاب والحرامية اللى قولتى عليهم واحد وراء واحد بيتحاسب طاب وتفتكرى مفيش حرمية دلوقت

لا بالعكس مصر دلوقتى الناس كلها بتسرق بعض انزلى واسالى عن الاسعار طاب ما علينا من الاسعار اسئلى عن اجرة المواصلات والله حرام

انا معاكى اننا نتعاون ونحط ايدينا فى ايد بعض وتبئا قلوبنا على بعض

والاهم من كداااااااا مصر الحبيبة تتغير للافضل

(*****يااااااااارب احمى مصر والوطن العربى يااااااااااااااارب****************)

تسلمى هديل منوره صفحتك
بس مين قال انى سبت المنتدى
انا عمرى ما هبعد عنكم

اولا مش اول مرة الاسعار ترتفع كده
والمواصلات عاديه
وانت فكرك انهم هيتحاسبو زى اى مواطن عادى
هقولك مصر ليه غاليه المليار ات اللى كل واحد اخدها لحسابه مش من حق البلد
احنا دلوقتى بنسمع المليارات دلوقتى على اساس انا عشرة جنيه ولا الف جتيه
واحما لو استصلحنا الاراضى الصحراويه فى سينا هنحتاح لحد
فين البترول وبيتصدر ليه لاسرائيل هيه مش عدونا الاول ولا حاجه غلط فى اللى انا بقوله وكمان بيعه باقل الاسعار

انا سمعت انك اشتركت فى منتدى جديد يا محمد

وحسيت انه خدك مننا و الله المنتدى من غيرك كان مش تمام

انت هنا منور مكانك يا كبير

ماشى كلامك يا بوسى لما نشوف بكرة هيحصل ايه

هيحصل كل خير بس لما كل واحد يقعد فى شغله

كلامك مظبوط يا بوسى

تعيشى يا مصر

شكرا يا برنسيسه لسؤالك عنى
انا مشترك فى اكتر من منتدى لكن المنتدى المفضل عندى اسمعلاوى لانه فيه اصدقائى واخواتى

اولا نورتى تانى هديل المنتدى

ثانيا طبعا الوضع اتغير تماما فى معظم الدول العربيه وده انسب وقت نتحد فيه ونكون يد واحده زى الاتحاد الاوربى والتكتلات

ثالثا ندعو بقا ان المظاهرات تهدى شويه بمصر علشان نعرف ونقدر نبنى مصر الى خربوها وكمان علشان احنا حاليا بنستهلك من مخزونا الاستراتيجى وكده هيجى علينا ايام مش هنلاقى الاكل وبعدين لازم ننتج ونشجع الاستثمارات علشان نقدر نبنى ونعيش

رابعا لازم محاكمه ومحاسبه الفاسدين والنظام البائد واسترجاع كلم قرش اخدهو هؤلاء ومحكمتهم محاكمه عادله

يارررررررب مصر ترجع احسن من الاول وكل واحد ياخد حقه فى البلد ديه دون جمايل

تسلمى هديل