بسم الله الرحمن الرحيم
الحمد لله رب العالمين وبعد انا الان اصبحت مدمن كومبيوتر ونت ودش وقنوات وبرمجه وتوليف وذلك لانى خرجت على المعاش وعاوز اضيع وقت فالوقت فعلا طويل وممل ولابد من عمل شيئ اى شيئ وبصراحه انا عندى قطعة ارض زراعيه بعض القراريط ورثتهم عن والدى رحمه الله وعندى ايضا دكان بقاله فى مكان اخر المهم دخلت البيت وانا متنرفز عاوزين كيماوى وتقاوى وضحيه للعيد الكبير وفتحت التليفزيون وفوجئت بان معظم القنوات ضعيفه وعملت فتك وطلعت فوق سطح المنزل وفكيت مسامير الطبق المتاكله والتى علاها الصدا و........
المهم راح الارسال نهائيا وتلفت المسامير ونزلت من فوق السطح وانا زعلان كان لازم اجيب واحد صنايعى عنده خبره ورحت الى مكان الكومبيوتر لتشغيله ولكن الكومبيوتر لم يشتغل ماذا حدث واخذت ازعق بصوت عالى حصل ايه فى البيت ده ورحت واخد كيسة الكومبيوتر وطالع على مكان تصليح وصيانة الكومبيوتر وهناك قابلنى الصنايعى بابتسامه عريضه وهدا من روعى وقال قدر الله وما شاء فعل المهم قام بتركيب بعض القطع وصل ثمنها بعد الاصلاح الى 200 جنيه واخدت الكيسه ورحت اشغلها بعد الاصلاح ولم تعمل ولا اعرف سبب العطل حتى الان اما الدش فقمت بشراء عدسه بمخرجين وقررت التعامل مع الطبق الصغير وتر كت الطبق الكبير بمشاكله لبعد العيد وحتى الان انا ابحث عن صنايعى محترم عنده خبره بعمله ورحيم بالنسبه للاجر وربنا يسهل ويكفينا شر الديون وشكرا