اللى عايز يزهق ويطق

اللى عايز يزهق ويطق يعمل مدرس على البنات
بس ان كنت تحب الحق دى شغله عايزه طويل البال
دى شغله عايزه طويل البال
اول ما أخش الفصل يافندم خدت كراستى وانا عايزاها
ياست زفته تعالى عندى فين الكراسه تقول ناسياها
فين الكراسه تقول ناسياها
اخش الفصل التانى القى العجب والهم كتير
الاقيها قاعده وشايفانى وتحطلى فى ايدها المونوكير
وتحطلى فى ايدها المونوكير
والتانيه بتسبسب راسها حاطه المرايه فى كراسها
ومكبره دماغها وراسها علشان ماتفهمهاش ياخفيف
علشان ماتفهمهاش ياخفيف
وم اللبان ياخواتى ياهوه دايما مجنينى ومحتار
ارمى يابت تقوللى آهوه وتلطعه فى وسط الكراس
وتلطعه فى وسط الكراس
قعدتلك على هذا الحال مع البنات فوق السنتين
ولو انى طويل البال لكنت طقيت م الجنبين