عينه تسلم
ده كل يوم عينه تسلم ولا يتكلم وأنا قلبي يا عيني عليه ملهوف
وتاني يوم عينه تسلم وبيتكلم يبعد ويبان علي قلبه الخوف
زي ما يكون مستهتر ولا داب فيا
كل ما أشوفه أنا بتصور عينه عليا
ده كل يوم عينه تسلم ولا يتكلم وأنا قلبي يا عيني عليه ملهوف
وتاني يوم عنيه تسلم وبيتكلم يبعد ويبان علي قلبه الخوف
هتسيبني
بتقول إنك خلاص مبقيتش قادر تكمل الطريق
معقول قلبك خلاص هيهون عليه حلمه البرئ
جاي تقولي خلاص هتسيبني
بتعذبني نظرة عنيك
جاي تقولي خلاص حارمني
حتي إني اسأل عليك
جاي تقولي أنسي حبك... والدموع باينة فـ عنيك
جاي تقولي أنسي قلبك ... أنسي ماضي بنيته ليك
وفـ عنيك كلمة سامحني
غصب عني مش هبقي ليك
ازاي أنسي اللي كان وأقول لقلبي عنه ايه
خان ولا الزمان كان أقوي من أخلاصي ليه
جاي تقولي خلاص هتسيبني
بتعذبني نظرة عنيك
جاي تقولي خلاص حارمني
حتي إني اسأل عليك
جاي تقولي أنسي حبك... والدموع باينة فـ عنيك
جاي تقولي أنسي قلبك ... أنسي ماضي بنيته ليك
وفـ عنيك كلمة سامحني
غصب عني مش هبقي ليك
هي مين
بعتاني أقولك للأسف كدبك عليها أنكشف
عيزاني أخليك تعترف هي مين
مين اللي سرقت حلمها
وقادرة تاخدك منها
محتاجة تعرف أسمها .. هي مين
عارفة إنك مستحيل تكدب عليا
بس مش عارفة إن أنا .. أنا أبقي هي
وأنا اللي شادك من ايديها
وبحبي ليك بكدب عليها
من سنين ... هي مين
عارفة إنك مستحيل تكدب عليا
بس مش عارفة إن أنا .. أنا أبقي هي
وأنا اللي شاداك من ايديها
وبحبي ليك بكدب عليها
من سنين ... هي مين
كان كلامي
بعيوني شايفك ملاك
وأحلي ما فيا هواك
ولا يوم بيفوت فـ عمري
من غير ما أكون ويااك
سهران بوصف فيك لقمري وأقوله أزاي بهوااك
كان كلامي عليك يا عمري أول يوم ألقاه
سهران بوصف فيك لقمري وأقوله ازاي بهوااك
أنا ايه غيرني قوام
دوبني غرام لعنيك
وحنين محتاج لكلام ولا فـ الأحلام
أسهر من شوقي أناديك
كان كلامي عليك يا عمري أول يوم ألقاه
سهران بوصف فيك لقمري وأقوله ازاي بهوااك
اشغل بالك بيا ثواني
حس بحالي بنادي عليك
يا اللي الشوق فـ عيونك جاني
وأنا من يومها بفكر فيك
أشواقي يا اما فـ قلبي يا عمري
مش سايبيني أنام الليل
أول مرة أسلم أمري
ليك يا اللي إنت كلامي عليك
غيرني قوام
دوبني غرام لعنـيك
وحنين محتاج لكلام ولا فـ الأحلام
أسهر من شوقي أناديك
كان كلامي عليك يا عمري أول يوم ألقاه
سهران بوصف فيك لقمري وأقوله ازاي بهوااك
بعيوني شايفك ملاك
وأحلي ما فيا هواك
ولا يوم بيفوت فـ عمري
من غير ما أكون ويااك
كلمة وداع
كلمة وداع أنا قولتها
لكن مكنتش قدها
وفـ لحظة كان كله أنتهي
والحال يطول
الروح سابتني وسيبتها
والقلب فارق بعدها
وأهو فات يومين من وقتها
وأنا عيشت أقول
أهو يوم كمان فـ البعد راح زي اللي قبله
وأنا عمر عمري ما عدي يوم من غير ما أقابله
عايش وبحلم أنه لسه قصاد عنيا
ما أنا عمر عمري ما عدي يوم من غير ما أقابله
قولي أعمل ايه ترجعني بيه
ترحم دموع قلبي اللي فيه
لو لسه فاكره مش ناسيه
راجعله يوم
قلبي اللي عايش بيناديك
مستني يوم يلمح عنيك
بتقول هترجع .. ما يلاقيك
يرجع يقول
أهو يوم كمان فـ البعد راح زي اللي قبله
وأنا عمر عمري ما عدي يوم من غير ما أقابله
عايش وبحلم أنه لسه قصاد عنيا
ما أنا عمر عمري ما عدي يوم من غير ما أقابله
كل ما تفتكرني
كل ما تفتكرني أدعيلي أرتاح فـ بعدك
أتمنالي السعادة وراحة قلبي بعدك
وكأني لسه جمبك .. لسه عايش فـ حضنك
وفـ روحك وفـ عنيك
آآآآآه
وإن يوم أشتقت ليا
قبل ما تنده عليا
روحي هتنادي عليك
آآآه
متقولش إنك نسيتني .. متقوليش خلاص
متقولهاش .. كفاية ودموعك دي بلاش
صدقني أنا عمري كله هعيشه عشانك إنت
مهما تغيب حبيبي .. أنا روحي صعب تنسي
وكأني لسه جمبك .. لسه عايش فـ حضنك
وفـ روحك وفـ عنيك
آآآآآه
وإن يوم أشتقت ليا
قبل ما تنده عليا
روحي هتنادي عليك
آآآه
كل ما تفتكرني أدعيلي أرتاح فـ بعدك
أتمنالي السعادة وراحة قلبي بعدك
من بين ورق
من بين ورق جوا كتاب
بلمح جواب .. فاكره أنا
إحساس قدر يملاني شوق
وأقرى جواب من كام سنة
بفتح لقيت كلمة حبيبي الي أبتديت من عندها
ونقوش تدور بين السطور لحروف تقول فين حبها
وده كان زمان والحب كان
أخر كلام كان فـ الجواب
بين الورق
بفتح لقيت كلمة حبيبي الي أبتديت من عندها
ونقوش تدور بين السطور لحروف تقول فين حبها
وده كان زمان والحب كان
أخر كلام كان فـ الجواب
بين الورق
نور الحياة
نور الحياة شايفه بعنيكي
وعمري لامسه ما بين أيديكي
يا أمي ايه يغلي عليكي
وإنتي عندي بالحيــاة
أغلي ما عندي فـ دنيتي
لو غيبتني عني أزاي أعيش
أجمل ملامح سكتي
أنا روحي بعدك متساويش
يا اللي قلبك منه قلبي وروحي فيه
يا اللي الحنان يحلم تحني فـ يوم عليه
يا نور الحيـــــاة
يا رب أوهبني الحياة ويا أمي فـ دنيتك
وأوعدنا يارب البداية بجد تبقي فـ جنتك
أغلي ما عندي فـ دنيتي
لو غيبتني عني أزاي أعيش
أجمل ملامح سكتي
أنا روحي بعدك متساويش
روح تروح
روح تروح لو تروح مني
حبيبي طمني امتي أعيش وياك
وإن غيبت عن قلبي
بنسي مين قلبي بس مش بنساك
عيشت جمبك ليالي ... عمري ما فـ يوم نسيت
كنت دايماً فـ بالي ... جيت ومـ الشوق ناديت
غالي يا غالي يا ناسي حالي
عيش ومتنسانيش
غالي يا غالي فـ البعد مالي
قلبي مرضيش يعيش
وروح تروح لو تروح مني
يا روحي ده أكمني عمري داب فـ هواك
ليه توعدني وتسيبني
قلبي عذبني ... نفسه يوم يلقاك
عشنا نحلم بليلة ... وإنت شكلك نسيت
غيبت عن قلبي ليلة .. جيت ومـ الشوق ناديت
غالي يا غالي يا ناسي حالي
عيش ومتنسانيش
غالي يا غالي فـ البعد مالي
قلبي مرضيش يعيش
ولا كان
ولا كان باين عليه ولا أي شئ فـ عنيه
يا أما دور قلبي عنه كان حاسس هيلاقيه
يا سلام لو قلبه يقدر يقول كل اللي فيه
كان قلبي أرتاح من نور الشوق اللي فـ عنيه
ولا كان باين عليه ولا حد يشك فيه
أتاريه عاشق ودايب وحبه بيخبيه
ولا كان باين عليه ولا أي شئ فـ عنيه
يا أما دور قلبي عنه كان حاسس هيلاقيه
خد من عمري الليالي نساني كل غالي
مبقاش في شئ فـ بالي غير إني أشتاق أليه
ولا كان باين عليه ولا حد يشك فيه
أتاريه عاشق ودايب وحبه بيخبيه
ولا كان باين عليه ولا أي شئ فـ عنيه
يا اما دور قلبي عنه كان حاسس هيلاقيه
يا سلام لو قلبه يقدر يقول كل اللي فيه
كان قلبي أرتاح من نور الشوق اللي فـ عنيه
ولا كان باين عليه ولا حد يشك فيه
أتاريه عاشق ودايب وحبه بيخبيه
يا فراق
كل قلب يروح لحاله .. طب وماله
كل لحظة عاشها قلبي .. هنسيهاله
يا فراق قرب فرقنا خلاص
للبعد أشتقنا خلاص
صدقني نصيبنا البعد ... والوقت سرقنا
كل قلب يروح لحاله .. طب وماله
كل لحظة عاشها قلبي .. هنسيهاله
كنت قلبي .. وقلبي مـــات
كنت عمري .. وعمري فـــات
كنت لحظة من ساعات
كنت دمعي اللي سـال
كنت قلبي وقلبي مات
يا فراق قرب فرقنا خلاص
للبعد أشتقنا خلاص
صدقني نصيبنا البعد ... والوقت سرقنا
حبيبي .. قرب أنا ليك مشتاق
أقولك يلا فــراق
يا فراق قرب فرقنا خلاص
للبعد أشتقنا خلاص
صدقني نصيبنا البعد ... والوقت سرقنا
كل قلب يروح لحاله .. طب وماله
كل لحظة عاشها قلبي .. هنسيهاله
ذنبك
بعدت عنك
عشان عنيك متجيش وتندم علي اللي كان
بعدت عنك
عشان ملكش فـ قلبي طول عمرك مكان
ذنبك أيـــه تتعلق بيا
وأنا عنيا مش فاكرين
ذنبك أيــه تديني حياتك
وأدي حياتي لناس تانيين
أبعد عني أنا مش ليك
متزودش الحمل عليك
جرب تعشق قلب يحبك
قلب يضحي عشان يرضيك
بعدت عنك
ذنبك أيـــه تتعلق بيا
وأنا عنيا مش فاكرين
ذنبك أيــه تديني حياتك
وأدي حياتي لناس تانيين
أبعد عني أنا مش ليك
متزودش الحمل عليك
جرب تعشق قلب يحبك
قلب يضحي عشان يرضيك
مع تحياتى
احمد الشنهاب
احمد الشنهاب
احمد الشنهاب
احمد الشنهاب
احمد الشنهاب
احمد الشنهاب
الثلاثاء فبراير 27, 2018 1:31 pm من طرف مايكل جمال
موضوع: كلمات ألبوم هيثم نبيل ( ولا كان ) 2008 
