بسم الله الرحمن الرحيم
السلام عليكم ورحمة الله وبركاته
طبعا با اخواني موقف صار معي شخصيا انا
هادا لما انا اجيت عالبرازيل قبل شي سنتين كنت ناسي اللغة و متذكر شي كلمتين تلات المهم اول اسبوع عدا تاني اسبوع صار شي عمري ما تخيلتوا طبعا ايلي قرايب و اصدقاء عرب في البرازيل
فقلت لقريبي انا بدي اشتري خبز و انا مو عارف شو يعني خبز في البرازيلي
المهم حكالي احكي لبائعة المخبز me das um beijo
قولتلوا ماشي و انا على نياتي ((معناة العبارة بتفهمها مع النص))
دخلت المخبز زي الاسد ابو اللغات عامل حالي بعرف احكي ههههههه
فحكتلها :me das um beijo و انا كلي ثقة بنفسي طبعا البنت صغيرة يعني انا قدرتها من 18 الى 20 سنة و غير هادا كلوا كان في ناس شي 5 او6 اشخاص
المهم البنت قلب وجها احمر و اصفر
ردت علي :como senhor (يعناتها نعم يا سيد)
رديت :quero um beijo (عدت الطلب)
طبعا العالم حولي بتتطلع وبضحكوا على شو انا مش عارف المهم يا اخواني ما عدت تواني و ايلا الكف معلم بوجهي و دور راسي دور طبعا انا مش عارف شو بدي رد لاني ما بعرف احكي المهم رجعت على قرابتي و قو لتلوا شو انت حكيتلي
و انا كنت منجن حكالي شوفي مالك معصب و زعلان و انا حكيتلو ايلي صار و هو قام يضحك و يتمسخر علي
يالله شو بدي اعمل هلا قعدت افكر لحد ما تذكرت واحد زلمة كبير صديق ابوي
رحت عندوا و حكيتلوا القصة كاملة و هو قعد يضحك ما مسك نفسوا و حكالي ما مشكلة هلا بنحلها معها حكيتلوا عالسريع لو سمحت و انا بفكر شو حكيت شو حكيت شو عملت المهم رحنا عالمخبز تاني مرة و قابلنا البنت البائعة
و زلمة شرحلها القصة كاملة و انا وقف زي الاطرش في الزفة مش عارف شو عم يحكي الزلمة و خفت يقد يتمسخر معها و تزيد الطينة بلة المهم بعد ما خلصوا حكي اجات البنت لعندي و بلشت تسولف و تحكي و انا مش فاهم و بائشر للزلمة شو عم بتحكي البنت و ما اخدت 2 دقيقة و ايلا البنت باستني على خدي انا و جهي قلب الاوان اول مرة بنت تبوسني قدام العالم ومن يوميتها صرنا اصدقاء
بعد ما انا هديت شوي سالت الزلمة شو يعني beijo رد علي وقال
معناتها بوسة باقي انا حكيلها اعطيني بوسة قدام العالم ههههههههههه
يوم لا ينسى في حياتي اما لقرابتي الله لايوريك شو عملت فيه
ههههههههههههههههههههههههههههههههههههههههههههههه
و خبز معناتها pao
هههههههههههههههههههههه
لو محلي شو كنت عملت