اولا اشكر كل من في المنتدي بالترحيب واكيد المنتدي كويس وخاصه اني من اهل الاسماعيليه التي اعشقها فهي محافظه مميزه من يوم نشأتها واكيد كل اللي من الاسماعيليه عرفين اللي بقوله -الاسماعيليه الان اصبحت من المدن المزدحمه نوعا ما بالسيارات ولكن في زمن الطفوله كانت حاجه تانيه كانت هاديه هدوء غير عادي ده غير جلسات السمر اللي في الصيف اللي بتبقي بين الجيران في الشوارع الان فيه تغير كبير حصل حتي يمكن كانت فترة المراهقه مختلفه كتير عن الايام ديه في كل شيء رغم ان الفارق سنوات بسيطه لكن رتم الاحداث سريع يعني مثلا بين يوم وليله اختفي الكاسيت وحل محله السي دي اصبح الاهتمام بعالم النت الكمبيوتر بقي شيء اساسي كان في فتره التسعينات كان اهتممنا فقط بلعب الكوره والخروج في شوارع الاسماعيليه يعني كنا مراهقين فاكرين نفسنا ياما هنا ياما هناك لكن طلعنا غلابه وطيبين بالنسبه لمراهقين الايام ديه وعموما هيه مازلت محافظه جميله حتي لو ازدحمت بالسيارات والناس واخيرا تحيه لكل لاهلها