طاجن جمبرى بالخلطه الاسكندرانيه

بسم الله الرحمن الرحيم

جبتلكم طريقه تحفه لعمل الجمبرى بدل المسلوق والمشوى ده بقى طاجن جمبرى اسكندرانى اصلى ههههههه يارب يعجبكم


المقادير :

كيلو جمبري وسط كبير لو عايزة جامبو


بصلة كبيرة مقطعة معكبات صغيييرة

طماطم كبيرة مقطعة مكعبات صغييييرة

فلفل رومي كبيرة مقطعة مكعبات صغيييرة

ملعقة صغيرة ثوم مهروس

ملح

فلفل

نصف ملعقة صغيرة كمون

اقل من نصف ملعقة صغيرة زعتر

اقل من ربع كوب خل

عصير ليمونة

شوية زيت

الطريقة:

انا هقولكم بالمرة علي طريقة تنضيف الجمبري علشان كنت بضًيًع نصف الجمبرياية في التنضيف
تجيي الجمبري من ظهره و بمقص صغير تقصي القشر من الراس للذيل
و تشرطي شرطة بالسكين بالراحة في مكان االعمود الفقري بتاع الجمبري في لحم الجمبري نفسه تشيليه

و تنقعي الجمبري في ماية فيها دقيق و ملح و ليمون
(بس كتري الليمون)

و تسيبيه شوي علشان الزفارة
انا كده ماقشرتش الجمبري

الصينية ديه بتكون احلي كده

طبعا ممكن تستخدمي المقشر مافيش مشكل

نحط كل الحاجات الحلوة اللي عملناها في المقادير ديه مع الجمبري في صينية او طاسة كبيرة و نقلب كويس

و نحطها علي البوتاجاز من فوق
(مش محتاج فرن لانه مش بيخد وقت)

و تغطيها و كل فترة تقلبي

هينزل مايته كلها و بعدين يشربها و كده خلاص نكون خلصنا

التسوية مابتكملش ربع ساعة

ممكن طبعا يتاكل كده بالعيش مع السلاطات وخصوصا سلطهالطحينه الاسكندرانى او يكون معاه ارز صيادى

وبالهنا واشفا

يسلمووووووو عماد اديب

نورت الموضوع بمرورك

لانا تسلم ايدك على الطاجن الجميل ده

يسلمووووووووووووو الايادى

يسلمووو سلمى وبوسى على المرور الكريم

تسلم اديكى لانا