بالبلدى كده....دى مش كوره .... دى أنفاق وكبارى

معذره ياأحبائى أعضاء الموقع .. إسمحولى النهارده إنى أكتب مقاله إستثنائيه بمناسبة السيمفونيه اللى عزفها ملوك السامبا إمبارح واللى كشفت حقيقة مستوى لاعبى وجماهير الإسماعيلى مقارنة بمستوى لاعبى وجماهير مايقال عنه بالباطل آل إيه نادى القرن !!!!!!

بصراحه وباللغه العاميه بتاعتنا اللى حصل من لعيبة الدراويش فى ماتش "نادى القرن" ده يعتبر مشروع كبير من ضمن مشاريع وزارة الإسكان لتنفيذ مجموعه كبيره من الكبارى والأنفاق بأقدام المهندسين بتوع النادى الإسماعيلى من بين أرجل العمال بتوع شركة نادى القرن ومقر المشروع ده كان أرض ستاد الرعب بمدينة الإسماعيليه الجميله واللى حصل ياخواننا إن لعيبة الإسماعيلى إتفننوا فى مسخرة معظم لعيبة نادى الحمرا وعملوا فيهم حاجات تدخل تحت بند الأفعال الفاضحه ..من بين الرجلين ومن وراء القفا ..وحاجات تانيه كتير عيب الواحد يقولها ..عمومآ هارد لك لجماهير الدراويش عشان للأسف الماتش إنتهى بالتلاته بس ومبروك للنادى الكبير أوى اللى هو الأهلى طبعآ لأنه أفلت من فضيحه كرويه كبيره جدآ كان يستحقها فعلآ عشان جمهوره ...قليل الأدب *

... عيب عليك يامخرج قناة مودرن سبورت ياجهلاوى ... مش معنى إن الدراويش مسخروا الفريق المفضل ليك إنك تحرم جماهيرنا الجميله من الحاجات الحلوه اللى إنت بتعملها لجماهير الجهلى لما فريقهم بيكسب أى فريق من الفرق الغلبانه ويفرد عضلاته عليه ... فريقك يا حضرة المخرج "دائم الإبداع" إتنصب عليه السيرك يوم الأحد اللى فات وخسر تلاته بس مع الرأفه عشان لعيبة الإسماعيلى مش بيحبوا يستغلوا نقطة ضعف الفرق المنافسه ويفضحوهم وكان واجب عليك إنك تعرض لنا فاصل كده من المهارات الفرديه والكبارى والأنفاق والأهداف الجميله اللى عملوها ملوك السامبا فى الماتش عشان تستحق لقب دائم الإبداع بدل ما تركز كل المايكات بتاعتك على جماهير الجهلى وتسمعنا النشيد الوطنى "الخايب" بتاعهم وتمنع أهازيج جماهير الإسماعيليه من الوصول لأسماع المشاهدين .. لكن الظاهر إن الصدمه كانت جامده أوى عليك من أول عشردقايق ومقدرتش تتحملها ....على العموم أبشرك من دلوقتى إنت وأبو الشلابيب بمستوى فريقكم ده إنكم حاتتعرضوا لصدمات كتيره فى الموسم ده ويمكن كمان فى الموسم اللى جاى واللى بعده ...ده إذا مكانش يحصل تدخل من إتحاد الكوره وأظن إنك إنت وصاحبك فاهمين أوى معنى كلامى *

... تحيه كبيره جدآ لنجم النجوم المحترم كابتن محمد صلاح أبو جريشه على موقفه الشجاع جدآ اللى قام به فى إستوديو التحليل بقناة مودرن سبورت ضد مجدى أبو ليفه ومدحت أبو الشلابيب بعد إنتهاء الماتش ومحاولة الإتنين دول التقليل من حجم الفوز الجميل بتاع برازيل مصر والحديث بس عن أسباب سقوط الجهلى وكأن الإسماعيلى كسب الماتش بضربة حظ مش باللعب البرازيلى والحرفنه اللى إحنا ملوكها غصب عن نن عينهم ..أبو جريشه وراهم العين الحمرا وكشف تحيزهم السافر للجهلى بعد ماخلاهم عاملين زى العيال الصغيره ..جتكم القرف ... والله ينور عليك يا "فاكهه" *

.... الشتيمه القذره اللى إتعرضت ليها من بعض جماهير نادى الصراصير الحمر من خلال الرسايل اللى وصلتنى على حسابى فى الفيس بوك بسبب تعليقاتى الساخره قبل وبعد الماتش مش حتعدى كده بالساهل ولازم أخلى كل تييييييت إبن تيييييييت من اللى بعتولى رسايل من النوع ده يندم على اليوم اللى فكر يقول فيه كده ..والأيام بينى وبينهم * ...مبروووووووووك لكل محبى وعشاق الكره الجميله فى كل مكان وياريت الماتش ده يكون بداية عودة الدراويش للعروض والنتايج الجامده عشان نثبت للكل إننا أصحاب أجمل وأروع وأحلى كوره مش بس فى مصر لكن على مستوى أفريقيا والوطن العربى كله *

</B>

Admin عدد المساهمات : 4043 تاريخ التسجيل : 19/12/2009

تسلمـ

شكرا ليك مزيكا

يسلمو مزيكا

لاعذر لك يا مزيكا فى اساءتك

الى النادى الكبير ولاعيبية وجماهيرة

يكفى ان بيننا ابو تريكة

تتكلم عن نادى هو بالفعل رمز لكرة المصرية

تتكلم عن الشتائم وغلط اللسان

فماذا تفعل انتا الان

فمن اعطاك الحق لتتكلم عن لسان النادى الاسماعيلى الكبير

او جماهيرة لتسب وتلعن وتشتم باقذر الالفاظ

اقول لك يا مزيكا كل مارد ولهو كبوة

ولسوف طبقا الاسود اسود

اليك يامزيكا انجازات نادى الاهلى الكبير

ورد اذا كان عندك رد

اولا : بطولات النادى

وهى
30
بطولة دوري عام
33
بطولة كأس مصر - منهم بطولتان بالإشتراك مع نادى الزمالك
4
بطولات افريقية للأندية الأبطال 82 و87 و2001 و 2005
4
بطولات افريقية للأندية أبطال الكئوس 84 و85 و86 و93
1
بطولة عربية للأندية أبطال الدوري عام 96
1
بطولة عربية للأندية أبطال الكئوس عام 95
2
بطولة نخبة عربية "السوبر" 97 و98
2
بطولة سوبر افريقية 2002, 2006
1
بطولة أفرو آسيوية 89
1
كأس أفرو أوروبية 2001
2
بطولة كأس السوبر المصرى
1
كأس الجمهورية العربية المتحدة 1961
5
بطولة دورى منطقة القاهرة
7 بطولة كأس السلطان

ثانيا:اوائل فى تاريخ النادى

أول لاعب مصرى ينتقل من نادى الى أخر هو مختار التيتش حيث انتقل من نادى مصر الى الأهلى
*أول لاعب يحرزسوبرهاتريك فى الدورى هوتوتوحيث فاز الأهلى على الاتحاد5/0موسم1949/1950
* أول لاعب يحرز 7أهداف فى مباراه واحده هو صالح سليم
*أول لاعب يحرز 5 أهداف فى مباراه واحده هو أسامه حسنى
*أول لاعب تطلب ملكه اوروبيه حذاءه هو الضظوى
*أول حارس مصرى يحترف فى الخارج مصطفى كامل منصور
*أول حارس مصرى يحافظ على نظافة شباكه 10مباريات متتاليه هو اكرامى
*أول لاعب يحرزهدف للأهلى فى البطولات الأفريقيه هومحمودالخطيب عام1976
* أول لاعب مصرى يفوز بالكره الذهبيه كأحسن لاعب أفريقى هو محمودالخطيب عام 1983
* أول لاعب مصرى يفوز بالحذاء الفضى طاهر أبوزيد
*أول لاعب يحرز 4أهداف فى لقاءالقمه هو خالد بيبو عندما فاز الأهلى على الزمالك 6/1 عام 2002 كما انه أول لاعب يحرز هاتريك فى نهائى أفريقى حيث أحرز 3أهداف فى مرمى صن داونز الجنوب أفريقى حين فاز الأهلى 3/0 عام2001
*أول حارس مصرى يحرز هدفا هوعصام الحضرى حيث أحرزه فى شباك نادىكايزر تشيفر فى نهائى كاس السوبر الأفريقى.
*أول لاعب يحصل على 3بطولات دورى مع 3أندية مختلفه هو اسلام الشاطر.
* أول لاعب مصرى يلعب مع وضد فريقه فى موسم واحد هو محمدأبوتريكه.
*أول لاعب يحرز 5أهداف فى ثلاث مباريات قمه هو محمدأبوتريكه فقد أحرز 5أهداف.

ثالثا:انجازات غير مسبوقه :

*فاز الأهلى على الاسماعيلى 8/0 عام 1957
*شهد يوم 2نوفمبر 1962أغرب تسديده لضربة جزاء حيث فى مباراة الأهلى مع المنيا مرر صالح سليم الكره لمحمود الجوهرى الذى سددها داخل المرمى مسجلا هدف!!!.
*حصل خط دفاع الأهلى على لقب أفضل خط دفاع فى تاريخ بطولات الدورى عندما لم تهتز شباكه سوى بهدفين فقط فى موسم 1975/1976 وأحرز 70هدفا فى نفس الموسم فى رقم قياسى غيرمسبوق.
*فى عام 2001 فاز الأهلى على ريال مدريد 1/0
* الأهلى أول نادى مصرى يفوز بلقب نادى القرن الأفريقى.
*أحرز الأهلى 10أهداف فى منافسه الزمالك فى مبارتين فقط !!!.
*محمد عبدالمنصف هو أول حارس مرمى للزمالك يحرز فيه الأهلى 10أهداف فى مبارتين!!!.
*الأهلى أول نادى فى العالم يفوز فى 21مباراه متتاليه حيث ان الفيفا أعلن بطلان رقم سيلتك الاسكتلندى لان الدورى الاسكتلندى غيرمعترف به حيث يتكون من أربعة أدوار وليس دورين كما هو متعارف.
*الأهلى أول نادى فى العالم يتسع الفارق بينه وبين الثانى الى أكثر من 20نقطه حيث وصل الى 31نقطه حيث نجح فى تكسير الرقم الذى حققه بطل دورى "لاتفيا" الذى اتسع الفارق بينه وبين منافسه الى 20نقطه.
كما أنه ولأول مرة فى تاريخ الكرة المصرية يكون عدد نقاط الأهلى أكثر من ضعف نقاط الزمالك (أهلى 74 زمالك 36).
*الأهلى من ضمن أكثر عشر فرق فى العام حصلت على بطولات حيث حصل على 92 بطوله .
*فاز الأهلى مع المدرب الأسطوره مانويل جوزيه على الزمالك 6/1 و4/2 و3/0 .
*الأهلى أول نادى ينهى الدورى قبل نهايته بـ 7 أسابيع

رابعا: ارقام الاهلى القياسية

الأهلي أكثر الفرق الافريقية فوزا بكأس أبطال الكأس

وفاز بيها 4 مرات أعوام 1984 و1985 و1986 و1993
-------------------------------------------
الأهلي النادي الافريقي الوحيد اللي فاز بأربع بطولات قارية متتالية

كأس أبطال الكأس 1984 و1985 و1986 وبطولة أبطال الدوري 1987
-------------------------------------------
الأهلي النادي الافريقي الوحيد اللي صعد لنهائي البطولات الافريقية 6 مرات متتالية
--------------------------------
نهائي بطولة أبطال الدوري 1982 وفاز بيها
نهائي بطولة أبطال الدوري 1983 وخسرها
نهائي بطولة أبطال الكأس 1984 وفاز بيها
نهائي بطولة أبطال الكأس 1985 وفاز بيها
نهائي بطولة أبطال الكأس 1986 وفاز بيها
نهائي بطولة أبطال الدوري 1987 وفاز بيها
--------------------------------------------

الاهلى صاحب ال93 بطولة- رقم قياسى فريد
-------------------
البطولات الحالية:
الدوري 30 مرة
الكاس 33 مرة
افريقيا دوري 4 بطولات
افريقيا كاس 4 بطولات
افريقيا سوبر 2 بطولة
آفروآسيوي 1 بطولة
سوبر مصري 2 بطولة
بطولة عربيه 4 بطولات

البطولات القديمة :
بطولة دوري القاهرة 5 مرات
كاس السلطان حسين 7 مرات
كأس 1960 أيام الوحدة مع سوريا

--------------------------------------------

الاهلى هو صاحب الرقم القياسى فى الفوز ببطولة الدورى 30 بطولة والثانى على العالم بعد فريق رينجرز الإسكتلندي وحصل على 50 بطوله
--------------------------------------------------------
الاهلى هو صاحب الرقم القياسى فى الفوز ببطولة ابطال الكاس الافريقية اربع بطولات
----------------------------------
الاهلى هو صاحب الرقم القياسى فى الفوز بالدورى لسنوات متتالية -تسع سنوات متتالية (1993/1994 حتى 1999/2000).

الاهلى هو صاحب الرقم القياسى فى الفوز ببطولة الكاس لسنوات متتالية - اربع مرات متتالية(1980/1981 حتى 1984/1985).

الاهلى هو صاحب الرقم القياسى فى الفوز ببطولة ابطال الكاس الافريقية لسنوات متتالية - ثلاث سنوات (1984-1985-1986).
----------------------------------------------

أكثر الأندية حصولا على لقب أحسن هجوم بالدورى العام 21 مرة

أكثر الأندية حصولا على لقب أحسن دفاع بالدورى 25 مرة
---------------------------------------------

عدم الهزيمة خلال موسم كامل خمس مرات (مواسم 1975/1976 - 1978/1979 -1985/1986 -1998/1999 -2004/2005.
--------------------------------------------------------------------------
اقل الفرق دخل مرماها اهداف - فى موسم 1975/76 أستطاع الأهلى أن يسجل إنجازا فى هذا الموسم بحيث ( دخل مرماه هدفان فقط فى 23 مباراة )
----------------------------------------------------------------
صالح سليم لاعب النادى الاهلى هو صاحب الرقم القياسى فى احراز اهداف فى مباراة واحدة فى الدورى العام و هو سبعة اهداف فى مرمى الاسماعيلي
وهو صاحب الرقم القياسى فى احراز البطولات المحلية و هى 19 بطولة كالاتى
- بطوله الدورى 11 مره
- بطوله الكاس 8 مرات
-----------------------------------------------------------

الاهلى هو صاحب الرقم القياسى فى احراز الدورى بفارق نقاط عن اقرب منافسية و كان 24 نقطة موسم 1998/1999 وايضا موسم 2004/2005 وكان 31 نقطه
-----------------------------------------------------------------------

الاهلى هو صاحب الرقم القياسى فى الجمع بين بطولتى الدورى و الكاس 11 مرة فى المواسم التالية:
----------------------------------------
1948/1949
1949/1950
1950/1951
1952/1953
1955/1956
1957/1958
1960/1961
1980/1981
1984/1985
1988/1989
1995/1996
------------------------------------------

الاهلى صاحب الرقم القياسى فى عدد لاعبية الذين اختيروا كافضل لاعبين فى افريقيا (يتم اختيار افضل 11 لاعب و تكوين فريق متكامل بعد نهاية كل بطولة كاس امم و هذا النظام متبع فى افريقيا منذ 1968) و الاهلى هو صاحب اليد العليا بلاعبية الذين تم اختيارهم 16 مرة فى مقابل 5 مرات للزمالك و 2 للاسماعيلى و مرة للمحلة و مرة للمقاولين و مرة للبلدية
و نسبة لاعبى الاهلى المختارين تشكل حوالى 60% من لاعبى مصر فى مقابل 22% للاعبى الزمالك
و يشكل لاعبى الاهلى نسبة 8% من اجمالى كل لاعبى افريقيا المختارين فى خلال 19 بطولة

و لاعبين الاهلى الذين تم اخيتارهم كالاتى:

1970
هانى مصطفى - افضل باك شمال

1974
هانى مصطفى - افضل باك شمال

1976
مصطفى يونس -افضل ليبرو

1980
ماهر همام - افضل باك يمين
محمود الخطيب - افضل مهاجم

1984
طاهر ابو زيد - افضل جناح ايسر

1986
ربيع ياسين - افضل باك شمال
طاهر ابو زيد - افضل جناح ايسر
مصطفى عبده - افضل جناح ايمن
مجدى عبد الغنى - افضل هاف دفندر

1992
هانى رمزى -افضل ليبرو

1994
ياسر ريان - افضل جناح ايمن

1998
محمد عمارة -افضل باك شمال
حسام حسن - احسن مهاجم

2000
محمد عمارة -افضل باك شمال1

2002
هانى رمزى - افضل هاف ديفندر

خامسا : الاهلى والارقام القياسية

الاهلى صاحب الرقم القياسى فى المشاركات الافريقية و هو 22 مشاركة كانت كالاتى:
---------------------------------
كاس ابطال الدورى:
16 مشاركة
وصل للنهائى خمس مرات (4 مرات البطل - مره واحدة خسر فى النهائى)
الدور قبل النهائى مرتين
الدور ربع النهائى 7 مرات
خروج من الادوار الاولى 4 مرات
--------
لعب 108 مباراة
فاز فى 53 مباراة
تعادل فى 26 مباراة
هزم فى 29 مباراة
احرز 178هدف
و دخل مرماه 88 هدف

كاس ابطال الكاس :
5 مشاركات
وصل للنهائى 4 مرات و احرز فيهم جميعا الكاس
الدور ربع النهائى مرة واحدة
------------
لعب 44 مباراة
فوز فى 25 مباراة
تعادل فى 8 مباريات
هزم فى 11 مباراة
احرز 70 هدف
دخل مرماة 26 هدف

كاس الاتحاد الافريقي:
مشاركة واحدة و الخروج من الدور ربع النهائى
-------------
لعب 4 مباريات
فاز فى مبارتين
و تعادل فى مباراة
و هزم فى مباراة
احرز 4 اهداف
و دخل مرماة 5 اهداف
--------------------------------
لاعب النادى الاهلى ومنتخب مصر محمود الخطيب والكرة الذهبية 1983 احسن لاعب فى افريقيا
وكمان هو صاحب الرقم القياسى فى احراز الاهداف فى البطولات الافريقية برصيد37 هدف
احرزهم خلال 49 مباراة
--------------------------------
لاعب الاهلي هادي خشبة
شارك في 450 مباراه تقريبا
و ده رقم قياسي في مشاركة لاعب مع ناديه
و ما فيش زي الرقم ده في مصر وعلى فكره هادى حصل مع الاهلى على 23 بطوله
--------------------------------

إحتفظ إكرامي حارس مرمي النادي الأهلي ومنتخب مصر العملاق والملقب بأسد أفريقيا بشباكة نظيفة خالية من الأهداف لمدة 900 دقيقة وهي تمثل 10 مباريات كاملة وذلك في موسم 1974/1975 وأطلقت علي شبكة مرماة في هذا الوقت " الشبكة العذراء "
-------------------------------------------------------------------------------------------------------
الاهلى هو صاحب الرقم القياسى فى احراز الاهداف فى موسم واحد و هو 69 هدف تم احرازهم فى 34 مباراة بنسبة 2.03 هدف فى المباراة و تم تحقيق هذا الانجاز فى موسم 1974/1975
-------------------------------------------------------------------------------
الاهلى هو صاحب الرقم القياسى فى نسبة الفوز فى موسم واحد و كانت 24 انتصار من26 مباراة و حقق الاهلى هذا الانجاز فى موسم 2004-2005
----------------------------------------------------------------------
يحتفظ الاهلى بالرقم القياسى للوصول لنهائى كاس مصر و هو 43 نهائى من اجمالى 73 بطولة بنسبة 59%و قد احرز الاهلى 33 بطولة(وهو رقم قياسى ايضا) و خسر فى النهائى عشر مرات

------------------------------------------------------------------------------
رفعت الفناجيلى لاعب النادى الاهلى صاحب الرقم القياسى فى لعب المباراة النهائية لكاس الامم الافريقية بثلاث مشاركات اعوام 1957,1959 و 1960 مشاركة مع ميلا و كوندى من الكاميرون و رشيدى يكينى من نيجريا
-----------------------------------------------------------------------------------------
النادى الاهلى هو الفريق الوحيد الذى حصل على اكثر من 70 نقطه فى الدورى العام

--------------------------------
اعتقد ان من ارقام الاهلى القياسيه انه صاحب اكبر عدد جمهور فى الحضور فى تاريخ الكره المصره وهو حضور عدد121 الف متفرج فى نهائى افريقيا اما كتوكو الغانى واللى فاز بيها الاهلى خراج ارضه
--------------------------------------------------------------------------------
عماد متعب اصغر هداف للدورى المصرى منذ بدء المسابقه عام 1948 فى موسم 2004-2005
------------------------------------------
الاهلى احرز نسبة 100% فى الفوز خارج ملعبة موسم 2004-2005 و هى نسبة لم تتحقق من قبل
-------------------------------------------
أحرز الأهلي الهدف الـ 2000 بقدم محمد بركات وهو رقم لم يصل إليه أى نادى حتى الآن
------------------------------------
الفرق بين الاهلى والزمالك 38 نقطه فى موسم 2004-2005 وهو رقم لم يحصل من قبل

سادسا: الاهلى والدورى العام

أكثر الأندية حصولا على لقب الدورى العام :
1- الأهلى : حصل على لقب الدورى العام ( 30 مرة ).
2- الزمالك : حصل على لقب الدورى العام ( 11 مره ).
3-الإسماعيلي: حصل على لقب الدوري العام (3مرات)
4- الترسانة : حصل على لقب الدورى العام ( مرة واحدة ).
5- الأوليمبى : حصل على لقب الدورى العام ( مرة واحدة ).
6- غزل المحلة : حصل على لقب الدورى العام ( مرة واحدة ).
7- المقاولون العرب : حصل على لقب الدورى العام ( مرة واحدة ).

- أكثر الأندية أحتفاظا ببطولة الدورى العام :

1- ( 9 مرات متتالية ) : النادى الأهلى من موسم 1948/49 إلى موسم 1958/59 .
1- ( 7 مرات متتالية ) : النادى الأهلى من موسم 1993/94 إلى موسم 1999/00 .
1- ( 4 مرات متتالية ) : النادى الأهلى من موسم 1978/79 إلى موسم 1981/82 .
1- ( 3 مرات متتالية ) : النادى الأهلى من موسم 1974/75 إلى موسم 1976/77 & ومن موسم 1984/95 إلى موسم 1986/87 .
1- ( مرتين متتاليتين ) : النادى الأهلى من موسم 1960/61 إلى موسم 1961/62 & كما حقق الزمالك البطولة مرتين متتاليتين أيضا من موسم 1963/64 إلى موسم 1964/65 & ومن موسم 1991/92 إلى موسم 1992/

- أكثر الأندية حصولا على لقب أحسن هجوم بالدورى العام :

:
1- الأهلى : حصل على لقب أحسن هجوم ( 22 مرة ).
2- الزمالك : حصل على لقب أحسن هجوم ( 16مرة ).
3- الترسانة : حصل على لقب أحسن هجوم ( 7 مرات ).
4- الأسماعيلى : حصل على لقب أحسن هجوم ( 4 مرات ).
5- الأوليمبى : حصل على لقب أحسن هجوم ( مرة واحدة ).
6- غزل المحلة : حصل على لقب أحسن هجوم ( مرة واحدة ). 7- المقاولون : حصل على لقب أحسن هجوم ( مرة واحدة ).

أكثر الأندية حصولا على لقب أحسن دفاع بالدورى العام :

1- الأهلى : حصل على لقب أحسن دفاع ( 26 مرة ).
2- الزمالك : حصل على لقب أحسن دفاع ( 20 مرة ).
3- الأسماعيلى : حصل على لقب أحسن دفاع ( 3 مرات ).
4- المصرى : حصل على لقب أحسن دفاع ( مرتين ).
5- غزل المحلة : حصل على لقب أحسن دفاع ( مرة واحدة ).
6- القناة : حصل على لقب أحسن دفاع ( مرة واحدة ).

- الأندية التى لم تهزم فى مسابقة الدورى :

1- الأهلى : أستطاع أن يحقق لقب الدورى بدون أى هزيمة (5 مرات ) فى المواسم التالية 1975/76 & 1978/79 & 1985/86 & 1998/99 & 2004/2005 .
2- الأسماعيلى : أستطاع أن يحقق لقب الدورى بدون أى هزيمة ( مرة واحدة ) فى موسم 2001/2002 .
3- الزمالك : أستطاع أن يحصل على المركز الثانى خلال موسم 1980/81 بدون أى هزيمة .

4ـ الزمالك استطاع ان يحصل على الدورى بدون هزيمه موسم 2003/2004

أقل الفرق دخل مرماه أهدافا فى مسابقة الدورى :

- فى موسم 1975/76 أستطاع الأهلى أن يسجل إنجازا فى هذا الموسم بحيث ( دخل مرماه هدفان فقط فى 23 مباراة ) وهى أقل نسبة دخول للأهداف فى مرمى أى نادى من أندية الدورى العام .
- فى موسم 1982/83 حاول الزمالك الوصول إإلى إنجاز الأهلى بحيث ( دخل مرماه 5 أهداف فقط فى 21 مباراة ) .

سابعا:نادى السته

ضرب الاهلي الرقم القياسي في عدد مرات الفوز بنصف دستة اهداف في بطولة الدوري.
13 نادياً شربوا من كأس الستة (حدث 17 مرة وأشهر ضحاياها الزمالك والإسماعيلى):
موسم 1945-1946: فاز على الاسماعيلى 6-0

موسم 1955-1956: فاز الاهلي على الترسانة 6/1

موسم 1956-1957: فاز على السكة الحديد 6/0

موسم 1957-1958: فاز على المنصورة 6/1

موسم 1958-1959: فاز على السكة الحديد 6/1

موسم 63-1964: فاز على بني سويف 6/2

موسم 1975-1976: تحقق الفوز بالسنة 4 مرات

فاز على مصنع 36 مرتين 6/0

وفاز على المنيا 6/0

وفاز على طنطا 6/0

موسم 82-1983: فاز على الاوليمبي 6/0

موسم 95-1996: فاز على الالومنيوم 6/1

موسم 1996/1997: فاز على الاسماعيلي 6/0

موسم 200/2001: فاز على الترسانة 6/0

موسم 2001/2002: فاز على الزمالك في مباراة تاريخية 6/1

موسم 2002-2003 : فاز على المقاولين 6/2

فى موسم 2003-2004: فاز على الكروم 6/1

موسم 2004-2005: فاز على الاسماعيلى 6-0 مرة أخرى
مع العلم أن الأهلى فاز على الإسماعيلى فى ابريل عام 58 (8/0) وكان صالح سليم صاحب أكبر رقم قياسى فى تسجيل الاهداف فى مباراة واحدة حيث سجل 7 أهداف وأهدر فيها أخيه طارق سليم ضربة جزاء
وربنا يوعدنا ب"ستات" كمان وكمان فى السنين اللى جاية

فى احلى من كده تاريخ ؟؟ فى احلى من كده فريق ؟؟ولســـــــــــــــــه
بنحبك يا اهلى والله العظيم بنحبك
هل هنـــــــــــــــــــــــــــــــــاك من يجروء على المنافسه ؟؟؟[/color]

لماذا كل هذة الكراهية يا مزيكا

الاهلى= اتحاد الكره
بدون اتحاد الكرة الاهلى يكون فريق عادى

لية انجازات 100 سنة

هانقول الاتحاد المصرى فى البطولات المصرية

ويمكن الاتحاد الافريقى فى البطولات الافريقية

ووكمان فوق البيعةالفيفا نفسها فى كاس العالم للانديةو الثالث على العالم

لالالالالالالالالالالالالالالالالالالالالالالالا

يا مزيكا حجتك ضعيفة

وكلامك جارح ومش حلو

ياااا مزيكا

الكلام كدة مش كويس يا مزيكا

انتقد زى ما انتا عاوز بس بدون تجريح

عيب يا مزيكا
انا اهلاوى وبحب الاسماعيلى
بلاش تعصب والاحترام حلو

وانا محترام مش قولت حاجة عيب ولا غلطت

واما تحب تتكلم عن فريق محترم زى الاهلى اتكلم باسلوب احسن وانت مبن خلاق معلق ساخر اصلا ولو عايز تبعت رساله للفيس بوك عندك. لاكن تقول الصراصير الحمر وفريق الجاهلى تبقى متعرفشى حاجه والسكوت احسن وتقول جمهور الاهلى قليل الادب تحب ارد عليك انا من جمهور الاهلى والرياضه غالب ومغلوب خلى مواضيعك بدون سب لان هتلاقى الاف ترد عليك اظن الرساله وصلت

» تحميل كوره الشوارع ps2