ولسه الباب مفتوح

ولسه الباب مفتوح
متقولوش التوبه معادها فات

لاء انا اظاهر وقت توبتى فات
من كتر ما ضيعت بعمرى اوقات

اصلى جربت كتير وحاولت
وبردو بلاقى نفسى رجعت

ياترى ده ضعف منى
والا وقت التوبه فاتنى
ــــــــــــــــــــــــــــــــــــــ

كلام جميل

بس اسمعى بقى منى

اوعى تقول كده ابداً
عمر التوبه ما كان لها اوقات

ابواب رحمه ربنا مفتوحه اقفى ادامها
خبطى بس هتلاقى ليكى فتحت ابوابها

قولى يارب وقفت مستنيه عفوك و طمعانه
افتحلى بابك برحمتك ادينى واقفه ادامه
جايه افضفض واحكى مشوار ذنوبى وخجلانه
وجتلك بتمنى تسمع منى بعد ما رجعت منه تعبانه

ياربى كانت ذنوبى واخدانى
وفرحتى مكنتش سايعانى

اروح واجى ويومى كله ده بقضيه
ما بين ذنوب واجى لفرض ربى ده واعديه

حسيت مهما فرحت فرحتى مش كامله
وحياتى دى لازم يتوقفلها واقفه

فجأه قولت لاء كفايه واعلن توبتى
وابدأ اقرب للطاعه واقرب ليك ياربى

هو لسه الباب مفتحش ياربى؟

عارفه كنت ساعات بضعف ادام ذنبى
وارجع ابكي واقول يارب سامحنى

عمرى ما هرجع ليه من تانى
وهقول لشيطانى ده ينسانى

وعارفه بضعف وارجع ليه من تانى
اذنب واقول يارب ثبتنى وقوينى

هو لسه الباب مفتحش ياربى ؟

يارب طب ودمعى فى صلاتى؟
ورعبى من غضبك وخوفى من عذابى ؟
وطلبى رحمتك وعفوك فى سجودى؟

هو كل ده ياربى ميقربنيش من توبتى؟
اللى هلاقى فيها سعادتى وراحتى؟

هو لسه بردو الباب مفتحش ياربى

طيب وحبى ليك ياربى ولرسولى؟
اللى مالى قلبى وبيجرى دمه فى ضلوعى؟

وقلبى اللى ماله غيرك يارب يشكيله؟
يجرى عليك ويقول مليش غيرك يارب احكيله؟

انا واقفه ياربى لسه ومستنيه
لحد ما يشملنى عطفك ويملانى
ويتفتح باب رحمتك ادام عنيا
واقول ده ربى قبل منى توبتى من تانى

جزاك الله كل خيرا

جزاكى الله خير رحيق على الموضوع الرائع

تسلمى على الموضوع الجميل